مااذا تتمنى يهتمون بالمخالفات .

والله ياغالي العسكري بعطيك مخالفة على اي شي 
اول اعطاني عشان اسوق حافي يقول انت مامعاك حذاء الله يكرمكم 
يعني لصقه لصقه يمين شمال الا من رحم الله 

صاحب الدسك ممكن ريال ...؟

^^^^
اجل اعطاك مخالفه عشانك حافي 0_0

مالها مطار الله يرحم والديك

اقسم لك بالله اعطاني ولو مارميت المخالفة كان وريتكم هي 
انا اعلمك السالفة 
كنت امشي وانا ناسي الرخصه في البيت ومعاي بطاقة الاحول 
ولقيت تفتيش قال لي الرخصه قلتله ناسيها قال لي جنب وتعال
قلتله عندي تفويض قال جنب وتعال نزلت له حافي والله ان العسكري 
قالها بلسانه اقسم بالله مابعطيك المخالفة الا عشانك حافي بسسسسسسسسسسس 
150 ريال وحالي زي الوز 
^_^ 
مو  لازم ابرر لكم ولا اعلمكم بسس انا اقول ان بعضهم يعطون مخالفات على اي شي تافهه 

انا اشوف اهم الاشياء اللي المفروض يعطون مخالفة عليها هي قطع الاشارة لان مالك اي حجة فيها الا اذا كان حالة اسعاف او شي لان قطع الاشارة اولا يسبب ربكه للي لهم الاحقية في الاشارة ممكن يجي واحد مسرع ويرتاع يلف يمين ولا يسار ويصدم له في شي او حتى ماتسوى روعته وهو طالع في وجهه وبرضوه مثل ماذكرت ياصوت العزاوي اللي يمشي بدون انوار هاذا اول واحد وايضا اللي يشتغل نوره بس لمبة الفرامل ماتولع يعني يهدي في وجهك ماتدري عنه وكم مرة صارت لي خصوصا السيارات القدام وودي بعد يطبقون ذا النظام اللي يتسحب في الدائري يمشي 60 ولا 70 ودك تلقطه معهم يحير العالم وراه وماسك اليسار طيب وخر وايضا ماننسى حقين التخييط والتفحيط هذولي ودك تعجنهم والسرعة المبالغة فيها بعد فوق 150 الى 160 ودك تمسكه بعد بس هذولي اللي يقهروني وعندك بعد الابوان اللي يبربر مع عياله والموتر يمين ويسار ولين ضربت له عشان ينتبه قام يطالع وهو زعلان يعني اني شايفك وهو ماطق خبر

  07    وش  كتب لك بالمخالفة ؟؟ 
 ه\ عدم حمل رخصصة او او  عدم لبس  احذية

صوت العزاوي انا مالي كثير اسسوق فوقتها توني متعلم اعطيت الوالد وانا قلت لكم كلام العسكري مو كلامي 
اقسم انه يعطيني عشان الحذاء وانتم بكرامه 

 مصدقك انا بس  بسئلك 
وش  عطاك مخالفة وش  كتب  لك 

والله ياغالي مادري لان وقتها توني متعلم ولا اعرف شي غير اشغل بنزيم وفرامل بسسس غيرها ماعرفها 

اتوقع الاغلب سمع مقطع الضابط اللي يهاوش الافراد عشان قسايمهم القليلة
واتوقع الجميع يعرف ان نسبة الحوداث والوفيات زادت حتى بعد مشروع ساهر

الزبدة انه العبرة لاهي بقلة ولا كثرة القسايم .. العبرة باحترام العامه اول شي وجعلهم يحسون انه كل هالتنظيمات لتأمين سلامتهم مو ولتفريغ جيوبهم وقتها راح تلقى استجابة ومنفعه للجميع

^جججججمممميل جدا 

الي يوقف في مووقفين 
واصحاب الفورشنر الي ماسكين اليسار وماشي اقل من مهله 
واصححاب الفوردات الي حاط رجله على الفرامل طول الطريق ((( انا من ملاك الفوردات بس مو لذي الدرجه الخوف )))
واصحاب اليارس والكورلا الي اذا قرب من ملف كبس ام الفرامل ((( يحسب انها بتنقلب عليه مانشره عليهم ))
واصحاب الشفر كابريس وغيره الي ماخذين الخط حلبات سباق ((( برضو من ملاك الشفر كابرس )))
واصحاب الشاحنات المتهورين ((( خصوصاً الباكستانيين )))
وبعض الهنود الي توهم يتعلمون السواقه 

اتمنى يحطون مخالفه للي يمشي داخل البلد بالنور العالي ..... 

ياخي كل هالعمدان والاناره وماتشوف ... الله لايعمينا 

لكن ان شاء الله ينزلون لهم مخالفه ... 

ياخي قسم بالله اعمونا ... الله يعميهم

اتمنى يشددون على المفهي اللي يمسك مسارين , امس في الخبر ولعت الاشاره ومشيت وفيه راعي جيب كان في المسار الايمن وفجأه صار بين المسار الايمن والاوسط 




وضربت له بوووري ويأشر لي بيده يعني وش تبي !!! جيت بجنبه وناوي والله احححده على الرصيف لكن شفت معه عياله ومشيت والمشكله ابو عيال !!

اابو سعود  
انا ملاحض دايم الي معه اهله يكون منفس ماادري ليه
يمكن اهله جابرينه يودنه للسوق او ما يبي اعتقد 
بس ملاحض هالشيء وشاكر لك المرور والتعليق 

ودي يهتمون بمخالفة اللي يتجاوزون الخط الاصفر ورافع النور العالي ولاهمه اللي متجاوزه منتبه او لا 

بالنسبة لي هذا اسوأ شي اعاني منه في جدة 

الوقوف الخطاء وأنوار الزنون من محلات الزينة

امس انسد طريق الهجرة بسبب باكستانيين معهم حوالي3 شاحنات المهم من زود القهر مسكت الجوال وادق ع المرور واكلمه قلت الوقت ماهو وقتهم ممنوع الآن وحنا مستعجلين ماحنا قاعدين ننتظرهم قالي ولايهمك على نفس الطريق قدام فيه دوريتين في عمل انا اكلمهم ... عاد لازم  اتشفى فاللي قعدني انتظر كل هالوقت ووراهم يوم فتح الخط والدوريتين قدام اظن نزلو السواقين وجابو سيارة مدري كيف شكلها سحبت الشاحنات ...

اوووووووووه وقتها لاتسألني عن الفرحة ودي كل سواقين الشاحنات يسوون فيهم كذا ...

قطع الاشاره = 1000 ريال + حجز السياره اسبوع

الوقوف عند الانعطاف عند الاشاره واغلاقه = 1000 ريال + حجز السياره اسبوع

تلحيم الصدام في الصدام عند التجاوز من الخلف = 850 + جلد 50 جلده

التجاوز من اقصى كتاف الطريق على سرعه = 520 + حجز السياره اسبوع

مشي الشاحنات في المسار الاوسط = 1000 ريال + حجز التريله

اعطاك مخالفه عشنك حافي غطى على مسيلمه الكذاب تصدق ابليس مسك راسه مو مصدق هههههههههههههههههههه قويا بس لاتعيدها يابطل